Location Anamnagar, Kathmandu, Nepal
Email contact@fcan.org.np Call Now! +977-1-5706159, 5705611

राष्ट्रिय निर्माण दिवसको अवसरमा राजधानीमा प्रभात फेरि तथा रक्तदान कार्यक्रम

मंसिर २२, काठमाडौं ,  नेपाल निर्माण व्यवसायी महासंघले १२ औं राष्ट्रिय निर्माण दिवस २०७६ को अवसरमा राजधानीमा आइतबार विहान प्रभात फेरि निकाल्यो । त्रिपुरेश्वरस्थित दशरथ रंगशालाबाट शुरु भएको प्रभात फेरि माइतीघर, बबरमहल हुँदै महासंघ सचिवालय अनामनगरसम्म पुगेको थियो । प्रभातफेरिको उद्घाटन महासंघका सल्लाहकार रमेश शर्माले गर्नुभयो । प्रभातफेरिमा सहभागीहरुले “समृद्ध नेपाल, सुखी नेपाली–निर्माणबाट समृद्धि, पूर्वाधार निर्माण विकासको आधार, सार्वजनिक निर्माण सबैको सरोकार, श्रमीक र व्यवसायी निर्माण उद्योगका पर्यायवाची” लगायतका नारा लेखिएको प्लेकार्ड बोकेका थिए ।

सोही अवसरमा महासंघका सल्लाहकार शर्मा र अध्यक्ष रवि सिंहले संयुक्त रुपमा महासंघको मुखपत्र “निर्माण समाचार” को विमोचन गर्नुभयो । १२ औं राष्ट्रिय निर्माण दिवसकै अवसरमा महासंघले आइतबार नै महासंघ सचिवालयमा गरेको रक्तदान कार्यक्रममा २६ जना दाताले रक्तदान गरेका छन् । रक्तदाताहरुलाई महासंघका अध्यक्ष रवि सिंह लगायतका पदाधिकारीहरुले प्रमाणपत्र प्रदान गर्दै सम्मान गर्नु भएको थियो । महासंघले प्रत्येक वर्ष मंसिर २२ मा विविध कार्यक्रम गर्दै राष्ट्रिय निर्माण दिवस मनाउँदै आएको छ ।

Related Posts

Leave a Reply